狂野麻神麻辣火鍋 (Closed)

同男朋友成日食啲連鎖集團都食到厭，見好耐都冇一齊打邊爐，上個星期就一齊揀咗呢間近人哋嘅尖沙咀火鍋店食返個晚餐。估唔到又真係幾抵食，$288嘅精緻親民套餐，勁多款唔同嘅嘢食選擇，重點係啲嘢食都好高質。首先有個菜籃，金菇、生菜、南瓜多款唔同嘅新鮮蔬菜，打俾邊爐點都要食下啲菜。之後有個海鮮盛合，又有好多唔同嘅海鮮，最正嘅係南非6-8頭孔雀鮑魚！估唔到呢個價錢竟然食到咁靚嘅鮑魚，再加埋麻辣湯底嘅味道完全比鮑魚吸收哂，一咬啲麻辣湯就必哂出嚟！跟住牛肉盛都有好多唔同款嘅牛肉，牛肉入口順滑，每一口都食到濃郁嘅牛肉味道。仲有九菜餃同水晶寬粉連埋個麻辣湯底食都好夾。