二家姐正宗原味麻辣火鍋

Open Now

Now Closed

期待好耐嘅佐敦二家姐麻辣火鍋，好耐無係文英街食飯，因為唔係好就腳，不過柯士甸站行過去實在好方便！放工後去二家姐打個邊爐，時間尚早所以唔係好多人，二人點了一個鴛鴦鍋，麻辣及藥材清湯，唔敢食咁辣所以點左少辣，火鍋料都唔會太辣，而且有少少麻嘅感覺，好正，而藥材湯底清甜，而且藥材越煮越入味。火鍋料點左安格斯牛頸脊，脂肪紋路很漂亮，薄薄一片在兩湯底都好吃，而且唔韌！瀨尿蝦墨丸很特別，原來係原隻瀨尿蝦剝殼，然後包上墨丸膠及墨魚粒，咬落彈牙及墨味濃，而瀨尿蝦原隻很大方！鵝血（還以為是鴨血呢），鴨血是麻辣鍋必點火鍋料，鵝血是第一次嘗試，無鴨血咁易碎，少許煙韌，在麻辣湯底下很入味。養生花膠桶係忍唔住點，因為花膠打邊爐好補身，麻辣味不用說但是放清湯底真係好驚喜，因為湯底味淡，卻可食到花膠的鮮味呢，我兩都食左五六舊。小湯包好似小龍咁，入面有肉汁好正，皮厚少少先鎖住肉汁唔穿，好味。整體黎講都幾有質素，火鍋料都好新鮮！