麻辣風雲 (京都廣場) (Closed)

最近見到好多人都推薦呢間川菜，今晚同朋友去試一試。以紫黑色為主調， booking 都多，走嘅時候已經差唔多坐滿人。麻辣魚皮＄68好香麻辣味！魚皮滑嘟嘟，滿滿膠原😋黑松露煙燻溏心蛋$68糖心蛋我就真係成日喺拉麵店都會食嘅，煙燻味非常濃郁，香氣撲鼻!香辣茶碟炒蝦$188蝦肉鮮甜彈牙，將茶葉炸到香脆配合辣椒、蔥和芫茜等食材一齊炒，惹味之餘仲有啲茶香味!自選干鍋自選干鍋有四種口味可選，有蔥爆、重蒜、香辣和麻辣，辣度亦可按自己接受程度選擇。我哋點咗蓮藕片，牛片，牛柏葉，豚肉，枝竹。豚肉及牛肉片非常滑身爽口，味道不錯。