麻辣五三五 (Closed)

侍應唔多但服務好周到既餐廳，一入去就聞到強烈嘅麻辣味道，刺激又開胃。椒鹽鴨舌$78一碟裏面有好多鴨舌，鴨舌都算係比較貴價嘅食材，所以呢度嘅份量真係好多，非常抵食，用咗好似避風塘炒蟹嘅馬拉盞撈埋炸過嘅鴨舌，脆脆地既外皮加彈牙QQ既鴨舌，麻辣度適中啱晒我。椒鹽豆腐角$48同樣都係有大量豆腐，豆腐揸得非常香脆，雖然係豆腐角，但係裏面嘅豆腐都幾滑，配上大量嘅馬拉盞，香脆可口。京蔥炒牛肉$78牛肉非常之嫩滑，但係完全唔似用過梳打粉醃到淋晒嘅嗰一種，非常之入味，有少少嘅孜然味道同埋醬燒嘅味道，加上用咗好多勁沖去炒，直頭可以當係一個菜，送飯一流。酸菜烤魚$178特登嚟呢度就係為咗食烤魚，呢度嘅烤魚係炸過放落去個湯嗰度，所以個表皮脆卜卜，但係因為叫咗太多麻辣嘅關係，我哋今次試一試酸菜，湯底好夠味，略嫌香菇有啲苦，但係魚肉非常之滑溜，令到我哋忍唔住叫多個水晶粉去送。