茶木‧台式休閒餐廳 (Closed)

櫻花蝦花枝餅$52入口彈牙，不過無花枝嘅味道，而且太油膩，我地都忍唔住要過一過水先放入口。金盞花螺片濃雞湯+椒麻拌麵+麻辣鴨血拼素鴨$78建議先飲咗個湯再食麵，因為個麵真係好麻！好麻！好麻！會影響到味蕾。但係麵質係彈牙嘅，口感不錯。酥炸雞排麵$72性價比不高，雞排炸得酥脆嘅，可惜又係太油膩；個麵就成餅野咁，要自己整返鬆散先食到。黑糖芒果芋圓仙草豆花$44甜品係呢餐入面覺得最滿意嘅。用料足，唔會過甜，正好可以為樓上油膩嘅食物帶返d清新感返嚟。如果下次再幫襯茶木，應該會只係食甜品。