煮意

Open Now

Now Closed

蘇杭街有一間低調嘅意粉小店，店內嘅格局係只得10個位，全部係高凳加面壁位。廚房佔咗一半舖位，可以見到老闆喺度炒意粉，同埋老闆娘喺水吧整飲品。聽講老闆以前喺酒店做過，佢啲意粉係做到Al Dente質感嘅。當然以$50~60一碟嘅價錢，你唔會奢望有豪華嘅配料。佢亦都鼓勵客人外賣，會有$5 折扣。香草雞肉扁意粉：用咗好靚嘅花花碟上。雞肉調味較淡，味道清新，意粉有咬口。鯖魚意粉：相當健康嘅配搭，鯖魚焗到熱辣辣，冇乜腥味。有少許豉油撈埋意粉一齊食。沙律菜亦都新鮮爽脆。飲品係凍奶茶，以西餐嚟講茶味唔錯。