杜老誌大飯店 (Closed)

非也，講嘅係灣仔呢間食店裝潢擺設佈滿各種香港特式嘅店舖設計，好似有機舖、桑拿浴室同埋麻雀館等等，十分有特色。而我們正正坐在「麻雀館」旁邊，感覺就好似喺麻雀館裏食火鍋，幾搞笑！鴛鴦湯底一辣一唔辣，各適其適，辣嘅係帶麻辣的香，除咗挑戰辣度之外，掂落條脷即刻分泌口水，確係幾惹味。火鍋海鮮船~四人份擺盤幾靚，各類海鮮放在冰上保持新鮮，鮑魚、蝦、蜆、聖子、蟹、鯇魚片樣樣有，見佢喺魚缸撈起隻蟹即開唔新鮮都好難。其他海鮮一樣口感豐富，幾樣海鮮之中，我個人較鍾意食鮑魚，雖然平時對鮑魚沒有特別鍾愛，但呢度啲鮑魚灼熟之後確係好爽口彈牙，因為灼嘅時唔使太耐，以免過於韌。其次我鍾意食鯇魚，放在滾湯中灼幾下，變色同埋開始捲起，就差不多可以撈上來吃，點些醬油提高味道口感。單點形式火鍋好難同放題嗰啲材料比較，放題以量取勝，而單點就以質取勝，仲有呢一類火鍋沒有時間限制，所以唔使食得好急，同朋友舉杯暢聚，反而食得咁高興！