炯記手撕雞 (汝州街) (Closed)

手撕雞成日係街都會見到，但係偏偏要黎依間炯記？都係咁岩肚餓搵食經過姐，順便打個食評俾大家睇下佢咩料！依間位於深水埗既烔記手撕雞，距離SSP MTR A2出口只係5分鐘路程，一間小店，座位唔多，但係有好多野食。因為同朋友都好肚餓，所以叫左好多野食：燒餓撈粗聽店員講依度出名係餓油撈粗，份量比想像中多，食落有淡淡餓油香味，另上一份馳名棋哥燒餓，皮香肉嫩，食指大動。叉燒飯個人比較喜歡食飯，為飯桶一名，又好叉燒，所以叫左一碟叉燒飯做主食，醬皇叉燒舊舊瘦肥分明，色澤均勻亮麗，質感夠淋抵鑽炯記手撕雞唔好忘記試下，鎮店小菜 - 手撕雞，半隻雞已經足2個人食，以辣味為主，偏小辣就算唔太食辣既朋友都話個辣味好上癮冬菇醬油豬手由於個人特好豬手，於是特嗌左一份，食落口啖啖肉，而且豬手膠質豐富，食完個嘴唇會痴粒粒冬菇扒生菜最後，食左咁多肉，當然要叫返一碟菜平衡返啦！冬菇好入味，煮得夠淋係重點基本上，以上咁多款夠哂一家2大1細，晚飯黎食，我同朋友實在太肚餓，竟然能夠食得哂，店員都好驚訝，而且上菜前仲有例湯付送，抵食