台北人 (Closed)

放工經過買個便當返屋企食 又見係新嘢試試佢叫咗個排骨便當 排骨炸得熱辣辣 本身醃料都好夠味道 配上珍珠米 飯又有少少滷肉汁 好好食 便當裏面仲有好多配菜 我覺得好有心思因為連配菜都好好食 菜譜個辣到剛剛好送飯一流 黑木耳配上少少麻油 仲有甜粟米 所以材料真係好豐富另外再叫咗個炸鹽酥雞 可能因為炸嘅時候仲有放九層塔 所以啲雞特別香 炸完嘅雞唔會太dry 雖然呢度就冇好多台式特別飲品 但係有冬瓜茶揀 甜到剛剛好 同埋因為係放喺雪櫃 而唔係落冰 所以亦唔會飲到一半嘅時候就淡而無味整體來講啲以外賣店嘅水平來講唔錯 仲可以食到台灣 抵食