Video
Read full review
2023-10-20
407 views
朋友住喺黃大仙，呢日去搵朋友，黃大仙平時只係知道去商場度搵嘢食，如果唔係朋友住喺呢度附近，我都唔知原來呢度有間質素咁高嘅餐廳。 發覺餐廳名好熟，原來我曾經喺尖沙咀食過呢間餐廳，記得果時食過都覺得好好食，今次順便再來試一試。 餐廳仲有露天位置，感覺都幾寫意。餐廳主要食新加坡菜。 新加坡金沙蝦（$180）：蝦有四隻，係虎蝦，大大隻好吸引，由鹹蛋黃，咖哩葉，指天椒同牛油組合而成，虎蝦配上鹹蛋味非常香口，蝦大隻之餘夠哂爽口彈牙，而且蝦味亦很鮮，帶有少少辣味非常美味。 辣椒蟹肉汁配炸饅頭（$78）：饅頭炸得外脆內軟，而且配上辣椒蟹肉更加惹味，醬汁唔會太濃味，可以點哂成個包咁食，索哂啲汁，點唔哂嘅蟹肉特登夾出黎食，幾好味。 新加坡咖喱牛腩（$88）：有牛腩，牛筋同埋薯仔，咖喱味很香，而且帶有椰香味，牛腩同薯仔都炆得夠淋，份量好多，咖喱就當然要配飯食，非常合襯，跟住我地都順便再叫多個手抓餅配咖哩。 朋友叫左椰漿飯（$28），係藍色，個樣幾靚，手抓餅（$48）炸得非常酥脆，配咖哩一流。我自己就叫左個油飯（$25）。 朋友叫左杯美祿恐龍（$30），美祿味濃郁，而且上面仲有脆嘅朱古力球，增加口感。 因為今
發覺餐廳名好熟，原來我曾經喺尖沙咀食過呢間餐廳，記得果時食過都覺得好好食，今次順便再來試一試。
餐廳仲有露天位置，感覺都幾寫意。餐廳主要食新加坡菜。
新加坡金沙蝦（$180）：
蝦有四隻，係虎蝦，大大隻好吸引，由鹹蛋黃，咖哩葉，指天椒同牛油組合而成，虎蝦配上鹹蛋味非常香口，蝦大隻之餘夠哂爽口彈牙，而且蝦味亦很鮮，帶有少少辣味非常美味。
辣椒蟹肉汁配炸饅頭（$78）：
饅頭炸得外脆內軟，而且配上辣椒蟹肉更加惹味，醬汁唔會太濃味，可以點哂成個包咁食，索哂啲汁，點唔哂嘅蟹肉特登夾出黎食，幾好味。
新加坡咖喱牛腩（$88）：
有牛腩，牛筋同埋薯仔，咖喱味很香，而且帶有椰香味，牛腩同薯仔都炆得夠淋，份量好多，咖喱就當然要配飯食，非常合襯，跟住我地都順便再叫多個手抓餅配咖哩。
朋友叫左椰漿飯（$28），係藍色，個樣幾靚，手抓餅（$48）炸得非常酥脆，配咖哩一流。我自己就叫左個油飯（$25）。
朋友叫左杯美祿恐龍（$30），美祿味濃郁，而且上面仲有脆嘅朱古力球，增加口感。
因為今日都凍凍地，所以就叫返杯熱飲，我叫左桂圓紅棗茶（$30），甜度適中。
呢度嘅嘢食都好好食，而且距離地鐵站都唔遠，都好方便。
Post
