亞玉冰室 (Closed)

同朋友睇完太陽花之後來左冰室食，幾好味😋 下午茶30幾蚊到， 叫左西多士同芝士咸牛包，西多士好大件，呢種極肥美食通常都好好食，邊夠脆，整體唔乾，牛油🧈夠香，花生醬滑身，無得輸！朋友的芝士咸牛我就普通，因為佢係用熱狗包，我鐘意三文治款多點，佢咸牛係夠軟夠滑，但我鐘意有少少一絲絲口感的咸牛多點，覺得佢呢款太軟身無口感，芝士唔係拉絲而係芝士醬，味道無拉絲咁濃郁，勝在分量夠大，整體我普通～紅豆冰另加9蚊，超級超級大杯，隻匙差唔多被淹沒，紅豆偏軟身，分量多多，應該有加煉奶因為偏甜，唔錯的～ 我見隔離台有奶茶底的紅豆冰仲特別！有機會試下！坐得都幾舒服😌