Video
Read full review
2021-05-04
565 views
💛💛💛山東小城💛💛💛已經食第三次啦，味道一直都係咁好。今次一行三人，梗係嗌多啲嘢食啦😛。雞絲粉皮 $50好食，雞絲份量唔少，粉皮份量好大兜，每條都沾滿左麻醬😚。雖然個價錢同一碗麵差唔多，但其實非常之抵架🥰，每次黎都會嗌！京蔥羊肉餡餅 $28一份有兩塊，裏面嘅肉汁多到流出來，羊肉非常之好味。羊肉份量多得來又唔會好重羊肉膻味，實在唔錯😎。鮮肉芹菜煎餃 $28呢度嘅煎餃好出色，真係每隻餃子都煎到好香脆，絕對唔會話是但煎一邊就算👍🏻。芹菜好香，不過因為係煎餃，所以餃皮嗰個香脆蓋過咗芹菜嘅味。下次可能嗌芹菜水餃更好😆。墨魚荸薺餃 $55呢間舖頭最出名嘅就係墨魚餃，坦白講其實我唔覺得有咩特別。不過每次同唔同人黎，佢哋都會想試一試🤪。一試無妨嘅，好食就好食既，不過就唔算特別囉😌。豬扒擔擔麵 $52擔擔麵個湯底好重花生味，味道非常之好。上菜時我地見到塊豬扒浸左喺個湯到，當時心諗「今次塊豬扒一定淋晒啦😩」，點知個依然好香脆😂。雖然係咁，都好希望佢識得另上塊豬扒啦😌。埋單$213（無加一）
已經食第三次啦，味道一直都係咁好。今次一行三人，梗係嗌多啲嘢食啦😛。
雞絲粉皮 $50
好食，雞絲份量唔少，粉皮份量好大兜，每條都沾滿左麻醬😚。雖然個價錢同一碗麵差唔多，但其實非常之抵架🥰，每次黎都會嗌！
京蔥羊肉餡餅 $28
一份有兩塊，裏面嘅肉汁多到流出來，羊肉非常之好味。羊肉份量多得來又唔會好重羊肉膻味，實在唔錯😎。
鮮肉芹菜煎餃 $28
呢度嘅煎餃好出色，真係每隻餃子都煎到好香脆，絕對唔會話是但煎一邊就算👍🏻。芹菜好香，不過因為係煎餃，所以餃皮嗰個香脆蓋過咗芹菜嘅味。下次可能嗌芹菜水餃更好😆。
墨魚荸薺餃 $55
呢間舖頭最出名嘅就係墨魚餃，坦白講其實我唔覺得有咩特別。不過每次同唔同人黎，佢哋都會想試一試🤪。一試無妨嘅，好食就好食既，不過就唔算特別囉😌。
豬扒擔擔麵 $52
擔擔麵個湯底好重花生味，味道非常之好。上菜時我地見到塊豬扒浸左喺個湯到，當時心諗「今次塊豬扒一定淋晒啦😩」，點知個依然好香脆😂。雖然係咁，都好希望佢識得另上塊豬扒啦😌。
埋單$213（無加一）
Post
