Jacomax

Open Now

Now Closed

又係一間袋咗喺袋好耐都未試過嘅黃店，襯住冇條人龍嘅lunch hour試試佢！（呢期lunch hour啲cafe排到傻，決定反行其道，晚餐先去cafe好似比較化算）可能因為食午餐嘅關係，店員們都比較得閒所以不停咁秒速收盤，係好周到嘅但其實咁樣會令客人食得有啲壓力🥲Gorgonzola & apple pizza $178招牌菜，入到嚟基本上張張枱都見到佢。強烈推薦畀芝士愛好者，味蕾會有新衝擊，所長覺得幾新鮮，蘋果啲甜平衡咗芝士嘅騷味，令到本身偏重口味嘅呢款芝士冇咁難入口。好處就係vegetarian都食得，唔好處就係唔愛芝士真心食唔落。同埋可能始終我哋唔係外國人，兩個人要食晒成個Pizza其實都真係覺得有啲難，食到最尾一兩塊有啲滯。🤣Grilled black pepper wings 5 pcs $58又係重口味之作，因為個醬好好味，連唔食雞皮嘅所長都破戒了。Tap beer $62/pintPizza一定要配返杯啤酒先係路，日光日白唔飲太多，同友人share。