Video
Read full review
2022-08-28
296 views
餐廳鄰近上環地鐵站，黃色磚牆好eye catching，鋪頭得大概有六張高枱，裝修好有外國快餐店嘅感覺，加埋霓虹燈裝飾，都幾chill！食物選擇都幾多，有burger、意粉同小食，食物水準都有返咁上下！小店主要做外賣，落單可以scan檯面嘅QR code睇menu慢慢揀，仲有得轉沙律，幾貼心！------------------------------🥓◖西冷黑松露水牛芝士漢堡◗ $89佢個西冷漢堡啲牛肉係一片片，唔係平時食開嘅patty，口感幾特別！牛肉份量偏多，牛味香濃，肉質軟腍，唔會好難咬！漢堡包好軟熟，搽咗牛油烘過黎，外層脆脆地，裏面好鬆軟！黑松露同淡口啲嘅水牛芝士，可以同時食到黑松露嘅香味同水牛芝士嘅奶味，味道同牛肉片好夾！🍝◖雜菌黑松露意粉◗ $72黑松露味好香濃，同雜菌嘅香氣一齊真係冇得彈！意份煮得啱啱好，用咗比較幼身嘅意粉，好掛汁有口感，應該落咗唔少芝士，食落濃厚好creamy！食得多都會有少少漏，但依然食到停唔到口！🍟◖黑松露蛋黃醬薯條◗ +$26薯條係粗切，將薯仔連皮切條去炸，外層炸到金黃色，內面軟綿綿熱辣辣，新鮮炸起口感爽脆，份量夠多，加埋黑松露蛋黃醬，冇得輸！🧆
------------------------------
🥓◖西冷黑松露水牛芝士漢堡◗ $89佢個西冷漢堡啲牛肉係一片片，唔係平時食開嘅patty，口感幾特別！牛肉份量偏多，牛味香濃，肉質軟腍，唔會好難咬！漢堡包好軟熟，搽咗牛油烘過黎，外層脆脆地，裏面好鬆軟！黑松露同淡口啲嘅水牛芝士，可以同時食到黑松露嘅香味同水牛芝士嘅奶味，味道同牛肉片好夾！
🍝◖雜菌黑松露意粉◗ $72
黑松露味好香濃，同雜菌嘅香氣一齊真係冇得彈！意份煮得啱啱好，用咗比較幼身嘅意粉，好掛汁有口感，應該落咗唔少芝士，食落濃厚好creamy！食得多都會有少少漏，但依然食到停唔到口！
🍟◖黑松露蛋黃醬薯條◗ +$26
薯條係粗切，將薯仔連皮切條去炸，外層炸到金黃色，內面軟綿綿熱辣辣，新鮮炸起口感爽脆，份量夠多，加埋黑松露蛋黃醬，冇得輸！
🧆◖意式牛肉丸四件◗ +$26
意式肉丸有驚喜！肉丸牛味好濃，肉汁豐富，食落口感唔會好實好硬，仲幾彈牙！個蕃茄醬底味道都好濃厚，仲有粒粒蕃茄同洋蔥，酸酸甜甜，一啲都唔膩，唔錯！
🥤◖雀巢檸檬茶◗ 跟餐
🍊◖西柚梳打◗ 跟餐
🌟Encore指數：8/10
------------------------------
所有單點食物都可以+$26轉套餐，就可以包多一個小食同嘢飲，份量好夠，幾抵食👍🏻！小店菜式味道唔錯，出餐都快，啱曬附近嘅打工仔呀！
Post
