蝦麵店 (荃新天地) (Closed)

今日去荃灣支持黃色經濟圈 見有啲肚餓就去咗citywalk到食個下午茶先繼續努力工作 見到呢間蝦麵店 係黃嘅小店於是就入去坐低食個麵啦裝修好靚好有馬來西亞嘅異國風情 下午茶時間冇乜人大家真係要多啲幫襯 雖然係咁 但都坐得勁舒服 餐廳係用電話落單夠曬方便 毒L都唔使怕醜咖哩喇沙蝦肉肉片面 咖哩喇沙好濃郁嘅椰香味 喇沙湯底仲有蝦頭海鮮等嘅味道 重口味之選 蝦肉爽脆鮮味 肉片就比較遜色一啲 唔太軟冧白胡椒肉骨茶配油條 湯底有濃厚嘅白胡椒味之外 仲有淡淡嘅藥材香氣 加上炆到冧曬入口即溶嘅豬排骨 係補身嘅感覺檳城小食拼盤 脆肉捲好有特色 反而最好食就係炸豆卜 炸到外脆內軟脆卜卜榴槤咖央多士 香甜嘅咖央醬有淡淡嘅榴槤香氣 不過甜味有少少香精嘅味道 加上脆卜卜嘅多士 係唔錯嘅甜品