Video
Read full review
2017-09-29
1972 views
原來香港都已經有黃記煌，仲要係有個廈門朋友話我知，我先知，哈哈。其實黃記煌喺國內都有好多分店，雖然我間中都北上搵野食，但好少話諗到去食燜鍋，畢竟國內有咁多選擇。今次開左分店喺尖沙咀，又有朋友約，於是有機會一試。估唔到香港嘅黃記煌水準都唔錯，環境舒適，燜鍋又夠惹味，最重要係店員嘅服務好到…我覺得劉華都要讚餐廳位於尖沙咀，喺樓下已經見到亮眼招牌，位置很多，而且相當闊落，即使唔係坐卡座，都有足夠嘅空間。晚市時間都有唔少客人，我地算係比較遲入座，食埋甜品最後一枱先走，原來都有唔少人係兩丁友黎食燜鍋。餐牌供應多款燜鍋，有魚、雞、牛蛙、海鮮、牛肉、豬類，定價$228-298，如果喜歡彈性高一點，可以自選配料四款，都係$298，可選魚柳、白蝦、蠔、牛柳粒、大腸等，然後醬汁自選，有招牌鹹鮮汁、海鮮鹹鮮汁、香辣豉皇汁、麻辣汁等。另有涼菜，例如麻辣土豆絲、黃瓜、尖椒皮蛋等，等緊燜鍋途中可以點個涼菜，邊食邊等。配料有海鮮、肉類、丸餃滑類、蔬菜、豆品、麵飯等。蝦蝦大笑燜鍋 $278老實講，個個鍋都好吸引，我地揀黎揀去都係決定呢個「蝦蝦大笑」，裡面有虎蝦、白蝦、墨魚仔，跟番建議配搭選香辣豉皇汁。配料用一個類係花
餐廳位於尖沙咀，喺樓下已經見到亮眼招牌，位置很多，而且相當闊落，即使唔係坐卡座，都有足夠嘅空間。晚市時間都有唔少客人，我地算係比較遲入座，食埋甜品最後一枱先走，原來都有唔少人係兩丁友黎食燜鍋。餐牌供應多款燜鍋，有魚、雞、牛蛙、海鮮、牛肉、豬類，定價$228-298，如果喜歡彈性高一點，可以自選配料四款，都係$298，可選魚柳、白蝦、蠔、牛柳粒、大腸等，然後醬汁自選，有招牌鹹鮮汁、海鮮鹹鮮汁、香辣豉皇汁、麻辣汁等。另有涼菜，例如麻辣土豆絲、黃瓜、尖椒皮蛋等，等緊燜鍋途中可以點個涼菜，邊食邊等。配料有海鮮、肉類、丸餃滑類、蔬菜、豆品、麵飯等。
蝦蝦大笑燜鍋 $278
老實講，個個鍋都好吸引，我地揀黎揀去都係決定呢個「蝦蝦大笑」，裡面有虎蝦、白蝦、墨魚仔，跟番建議配搭選香辣豉皇汁。配料用一個類係花樽嘅容器裝住，一層一層，先落底油，（雖然無水煮，但都要有少少油份），然後會鋪上蔬菜底料，有蘿蔔、西芹、洋蔥、紅棗、杞子、蕃薯等，然後鋪上主要配料，即係虎蝦、白蝦、墨魚仔，淨係睇到已經流哂口水。 然後加調味料，黑白胡椒、五香粉同少少酒，然後蓋上煲蓋就燜煮，我地呢款鍋係燜左15分鐘，然後店員會加入預先揀嘅醬汁（香辣豉皇汁），均勻鋪喺面頭，質地幾嘅稠身，所以燜鍋都幾重口味，最後再燜多幾分鐘就食得
虎蝦、白蝦加埋都有接近20隻，相對白蝦，虎蝦嘅質素較好，既大隻啲，而肉質較彈牙爽口，感覺都幾新鮮。白蝦則中規中矩，其餘墨魚仔其實都好多，不過燜完縮哂水，好細粒好搞笑。而香辣豉皇汁嘅味道其實有少少似奇味雞煲，鹹鹹地又辣辣地，愈煲愈入味連蘿蔔、蕃薯等配料我地都食清光。燜鍋食到咁上下，可以加湯好似平時咁樣打邊爐，加左湯之後，味道會稍為調淡，冇咁重口味。
美國客格斯牛柳粒 $98
牛柳粒帶少少筋位，有嚼勁得黎唔老唔韌，亦有明顯牛味，但一點必需要講，價錢實在太貴，接近十蚊粒
三黃雞件 $58
因為冇點燜雞鍋，所以只行點左一份雞淥落去試試，雞件份量正常，而且配呢個鍋底都好入味。
手打蝦滑 $65
蝦滑都夠新鮮，而且入口都彈牙，略嫌唔夠起膠。
鮮蝦雲吞 $24/半份
本來半份雲吞要廿幾蚊都唔貴，不過只有三粒，而且質素好普通。
娃娃菜 $35
咁重口味嘅鍋底唔少得點個菜食下，我地揀左娃娃菜，超入味。
出前一丁 $15
本來係冇打算點的，但見到前面枱食，我又忍唔住。
最方便係食完火鍋，仲可以點埋許留山糖水，我都唔知自己幾耐冇食過（本來我係想去食抹茶甜品的），但朋友猛話幾抵幾抵，要食埋，於是我地like左黃記煌嘅facebook，享用左半價甜品，如果人多，想一人一份，就按人頭like，都幾大方。不過我地兩人share一份已經飽到捧住個肚。
多芒亮晶晶 $19（like facebook半價）
Post
