濠客蒸氣海鮮 (Closed)

講起蒸氣火鍋海鮮其實都食過唔少，但係今次元朗呢一間濠客蒸氣海鮮真係我食過數一數二好食嘅餐廳，價錢雖然中等，但係樣樣海鮮都大件多肉又新鮮！元朗人值得一試。同出邊好多蒸氣海鮮一樣，佢會有個粥底喺下面，等我哋食晒所有海鮮之後，粥底可以吸收晒海鮮汁嘅精華。我最鍾意係佢哋嘅象拔蚌同埋鮑魚，鮮甜彈牙，而且店員會好好服務咁幫我地去蒸埋同計時，所以我哋基本上負責點餐同埋負責食就可以☺️啱晒我呢啲懶人。最尾嘅粥底我都覺得真係好好味！店員會加咗好多蔥同埋菜譜落去一齊調味，趁熱食一流，海鮮味入晒個粥度✅✅