Hakata Concepts

今日帶老豆去食鐵板燒～入到嚟黃金海岸好耐無嚟啦！叫左兩個鐵板特選晚市＆刺身盛盒$298/位博刺身拼盤：甜蝦、帶子、赤身、油甘魚、真鯛赤身係鮪魚背部，不含油脂既部位。呈紅色，因為吞拿魚的肌肉裏面含有大量肌紅蛋白。而且含脂量少、肉質實、比較有咬口。甜蝦正常size～都鮮甜。帶子夾住青檸～更突出帶子既甜，直擊味蕾。真鯛肉質細緻有彈性，味道清新淡雅同時帶有一抹甘甜味。油甘魚每口都充斥魚油香氣，獨特清爽口感。跟住到蟹肉茶碗蒸～無太多既調味～蛋香嫰滑加埋一梳梳既蟹肉～原汁原味帆立貝四元豚北海道帆立貝～大粒飽滿～芯仲好嫰滑配埋柚子醬汁非常清新。四元豚煎到8～9成熟，一口爆汁配埋昆布鹽食，更有層次。漬物湯品：麵豉湯＆紅酒蕎頭漬紅酒蕎頭漬成份有紅酒，糖，醋，特別調味，清爽酸甜解膩一流。櫻花蝦炒飯：除左櫻花蝦，仲有蛋，蔥，洋蔥炒得非常乾身，一d都唔油，每一淡都好香櫻花蝦既咸香味，作為最後一道菜，非常滿足。裝修別緻～座位舒服，店員親切有禮，好主動加菜收碟，主廚亦好有耐性講解每道菜，非常專業😆老豆化身好奇寶寶，樣樣都問下，主廚好有耐性一一解答，下次會想嚟試下Omakase。