串燒咖啡 (Closed)

今日約左個好耐無見既朋友 諗住兩個人搵靜靜地既地方食個飯，傾下計。因為登打士街高氏既CAFÉ我成日都去食所以今次去左隔離大廈既串燒咖啡食。依間CAFÉ既光比較暗，好適合想HEA時間既朋友去。咁因為朋友夜啲仲要去接女朋友既關係，所以我地就無叫串燒食。咁我自己就叫左個波菜汁芝士焗三文魚天使麵，個意粉有一層厚厚既波菜汁係面，覆蓋成個意粉，中間層係半熟煙三文魚，最底就係天使麵，我諗係焗之前落啲油係天使麵令到佢焗完一啲都唔乾，三者加埋一齊黎食都會帶出到各自既味道，波菜汁既味道無俾煙三文魚既咸味蓋過左左之餘，仲中和返煙三文魚過重既咸味，非常好！我仲叫左一杯香蕉奶昔，除左有濃郁既香蕉味之外，仲有一層CREAM係上面，令成個飲品既賣相相當吸引。