麻酸樂米線專門店 (+WOO嘉湖一期)

Open Now

Now Closed

來到這角落位的麻酸樂，位置都幾偏僻，完全地不起眼。下午茶選擇都有6款，再配以小食一款，都幾吸引，小妹便入去找位置坐下。地方不算大，感覺都算迫狹，只限於三兩客人，多於4位都難以容納一張枱。小妹今日只得一個人，挺寫意的~下午茶有6款不同的配搭，價錢分$33及$35，小妹選了 迷你韓風剌骨上海拉面$33，可轉米線/上海拉面/米粉/紅薯粉，而湯底亦有5款選擇，相當有彈性，小妹揀了酸辣湯底。套餐包括韓式泡菜餅2件、蒜香骨2件、韮菜、芽菜、腐竹等。送上枱時芽菜和韮菜份量多得驚人，而韓式泡菜餅外表像午餐肉，質感卻似托肉，與泡菜餅好像連不上關係。初時以為蒜香骨是金沙骨，但原來只是切件炸豬扒，上海拉面是幼身偏淋，份量都足以當午餐。配小食一款，小食也有A-F 6款選擇， 蒙古大漢雞翼2隻，炸得太乾身，肉質感偏小。飲品方面只限於熱綠茶/凍低糖綠茶，轉其他熱飲+$6，凍飲+$8，小妹升級至特飲 芒果乳酪+$8，底下是芒果醬，飲用時要與乳酪徹底搞混，帶酸甜味，感覺不太甜很易入口，都不錯。埋單共$41，與平常午餐價錢差不多。