麺屋武一 (Closed)

今晚行過棉登徑，見到開左間新既拉麵店，仲要係以雞湯做主打，所以就入去試試。拉麵店唔算好大，有bar枱亦有普通枱，可能岩岩開冇耐，見店員都好忙碌同好熱情。還見到相信是由日本黎既老闆！見到店內的海報，見到這間拉麵店係好多地方都有開，而日本當然不少！濃厚味噌拉麵($88)，由於這裡的湯底是用雞湯的，所以冇平時咁油！味噌味唔太濃，但係個湯都幾「傑」身，飲落去有啲黏嘴！附有既雞肉唔會好肥，岩哂唔中意太油既朋友！鹽雞拉麵($78)，呢個湯好清甜，清清地好岩女仔食呀！附有雞肉同埋雞肉丸，雞肉幾嫩滑，雞肉丸如果有醬會更好！總括黎講，餐廳新開張，所以食物質素一定會比較好既，得閒會再黎支持一下！