黑木亭居酒屋 (清風街) (Closed)

青紅蘋果絲蟹子沙律 $98哩個沙律有：青蘋果絲＋紅蘋果絲＋蟹子＋蟹枊肉＋沙律醬，好欣賞佢既兩種蘋果絲做底，酸酸甜甜加埋其他食材，好fresh。流心熔岩蛋三文魚飯$69朋友唔食得生冷野，所以揀左哩個燒過既三文魚飯，流心蛋＋三文魚＋少少沙律醬，撈埋既味好香。一人刺身拼盤配日本產赤醋飯$198刺身有：三文魚、油甘魚、吞拿魚蓉、海膽、赤蝦，每一件都好新鮮。火灸左口魚邊卷 $148燒左既左口魚出左少少魚油去 D 飯到，好香，配埋D蟹子係上面，咬口特別，黑色蟹子第一次食，卷內有蛋同青瓜，好食。北海道士多啤利牛乳酸$48少少似士多啤利味既益力多，但又冇益力多咁甜，好飲。蜜桃烏龍熊茶$58黎到見到隻熊仔已經好欣賞，以為係啫哩糖，原來係由蜜桃烏龍熊茶雪出黎既冰狀熊，小朋友一定好鐘意。