天浮橋拉麵 (Closed)

係千色附近行開發現原來呢度有一間拉麵店，門口裝修好有氣氛夜晚7點去到可能因為落雨嘅關係好快就有位啦 入面L字型嘅座位唔算多 有幾款味道可以選擇又可以揀沾麵（凍/熱）都有 兩個人分別嗌左白雞湯拉麵味道一般 就係普通嘅雞湯味略嫌淡左一啲 不過麵質同粒蛋都不錯！👍🏻第二碗係黑松露拉麵一上到枱就有好大陣黑松露嘅味 呢款比較特別 我都係第一次試黑松露味 個菇菇勁有驚喜 好香 但湯飲落反而又唔係太濃黑松露味 拉麵入面個塊唔係平時嘅燒肉而係雞肉 我個人都係仲意叉燒配拉麵多啲 雞肉太平平無奇了 聞到隔離枱食海老好香蝦味！如果有機會的話會想再試！一食完出去發現出面排緊隊了