Video
Read full review
2018-05-19
2395 views
呀公呀婆既味覺有時堅係好難理解，我完全唔明白點解好地地既黑松露咁香咁正，佢地話似石油氣味... 真係唔知應該要話佢地有創意好呀定話佢地味覺特殊 🤔 終於！終於！佢地今晚同我講「啊！原來黑松露都唔係好似石油氣味！」 😼每次Hong Kong Gold Coast Hotel 香港黃金海岸酒店聆渢咖啡廳有新主題自助餐，我地都會黎試試，一來住得好近好方便，二來黃金海岸既自助餐永無甩拖，所以今次主題好正得兩大最愛「鵝肝！」同「黑松露！」😍點呀？好難唔黎囉！今晚呢個「鵝肝黑松露盛宴」自助晚餐終於改變了呀公呀婆對黑松露既觀感，一連串黑松露dishes，「黑松露醃三文魚」、「黑松露蒸蛋配蟹肉及黑魚子」、「黑松露海鮮龍蝦凍批」、「炸黑松露芝士汁意大利飯球」、「黑松露蝦多士」、「焗黑松露薯茸田螺撻」、「黑松露帕爾瑪火腿薄餅」、「焗三文魚玫瑰配淡黑松露忌廉汁」... 公公一邊食一邊講「開始明你點解咁鐘意黑松露陣味啦，又真係幾香呀下！」😏我本人比較高貴😆唔係好鐘意連住食咩回到本，但今次都請容許我講呢個「香煎帆立貝配黑松露牛油汁」同「香煎鵝肝多士配蘋果茸」真係好回本，原隻帆立貝煎至略帶金黃色後，配上黑松露牛油
每次Hong Kong Gold Coast Hotel 香港黃金海岸酒店聆渢咖啡廳有新主題自助餐，我地都會黎試試，一來住得好近好方便，二來黃金海岸既自助餐永無甩拖，所以今次主題好正得兩大最愛「鵝肝！」同「黑松露！」😍點呀？好難唔黎囉！
今晚呢個「鵝肝黑松露盛宴」自助晚餐終於改變了呀公呀婆對黑松露既觀感，一連串黑松露dishes，「黑松露醃三文魚」、「黑松露蒸蛋配蟹肉及黑魚子」、「黑松露海鮮龍蝦凍批」、「炸黑松露芝士汁意大利飯球」、「黑松露蝦多士」、「焗黑松露薯茸田螺撻」、「黑松露帕爾瑪火腿薄餅」、「焗三文魚玫瑰配淡黑松露忌廉汁」... 公公一邊食一邊講「開始明你點解咁鐘意黑松露陣味啦，又真係幾香呀下！」😏
我本人比較高貴😆唔係好鐘意連住食咩回到本，但今次都請容許我講呢個「香煎帆立貝配黑松露牛油汁」同「香煎鵝肝多士配蘋果茸」真係好回本，原隻帆立貝煎至略帶金黃色後，配上黑松露牛油汁，嘩！聽完都明我點解話咁回本啦🤪
另一推介就係呢款創意十足既「香煎鵝肝、帕爾瑪火腿及豬頸肉刈包」，以傳統刈包為藍本，將滷肉、酸菜、花生粉等改為鵝肝、帕爾瑪火腿及豬頸肉，堅有創意又幾好食。不過我就最鐘意都係鵝肝放上香脆的多士上，配酸酸甜甜既蘋果茸，always my favourite 😍
P.S.每位成人顧客亦可獲贈指定紅酒或白酒乙杯，提升用餐體驗。透過網上預訂系統訂座及繳付全數，更可享高達7折優惠。
Post