賞茶 (青衣站) (Closed)

今日約左人喺青衣城食飯，一出閘就見到賞茶，最近香港嘅台式飲品店都牽起一片點糖珍珠風，賞茶亦加入左戰團，不得不讚張poster非常吸睛。由於未夠鐘食飯，雖然每日限量100杯，但可能2點先開始供應，6點九都仲有得賣，個人黎講講比較鍾意奶茶多過鮮奶，於是揀左黑糖波霸奶茶，價錢只係$25，價錢比其他黑糖鮮奶或者奶茶，抵飲。等左唔洗夠5分鐘已經有得拎，影完相即刻試試，雖然甜度固定，但飲落唔算好甜，波霸珍珠依舊無令我失望，軟綿綿得黎夠煙韌，奶茶奶味香濃，茶味都可以嘅，但整體黎講個黑糖味差左少少，如果黑糖味可以濃返啲就更好，但整體黎講係唔錯嘅，下次試埋奶蓋黑糖波霸鮮奶先。