銘翠軒餐廳

Open Now

Now Closed

已經唔係第一次幫襯呢間野，無辦法因為近，有時真係貪方便，不嬲都知道呢間野冇服務態度可言，但係今日實在太過分，所以真係要花啲時間幫佢宣傳下。話說今日叫咗外賣自取，有一個豬扒包配西多士嘅下午茶餐，去到嘅時候啱啱見佢到嗰啲糖膠落去，但係同個豬扒包放埋一齊，我問阿姐可唔可以比張紙隔一隔，講咗兩次，包緊野個阿姐+收銀嗰個都當聽唔到，收銀嗰個仲要格住口罩都見到佢黑面，好似我得罪佢咁，我好聲好氣問你，得定唔得 有定冇 都講一聲丫，佢哋真係夠膽死應都唔應你，果下真係火都嚟！返到屋企，個包當然係浸晒糖膠，平時我通常係買比屋企人食，今日見咁嘅情況就揭開個包望吓，嘩！塊豬扒都好好刀功喎，切到紙咁薄，仲要勁細塊，另外一個薯條餐啲薯條係碎上，好多都係細細粒炸到燶晒食唔到嘅。