Video
Read full review
2017-04-03
568 views
不經不覺黑食會已經踏入第六個年頭，亦由當年四人增加至五人，有肥鄧、寸爆、吹雞、大聲同新加盟嘅飛機（其實飛機都差不多加盟兩年了）。雖然有一段時間冇寫食評，但絕對冇放棄食野，咁啱喺網上見到呢間食店，好似好吸引咁，細問各位大佬亦一致通過要黎會一會，於是擇定良晨吉日，食餐勁。先睇下個餐牌有咩野食先：1.前菜(可無限追加) ~芝麻手撕雞粉皮 秘制麻辣木耳2.主菜 (2-4人可選1款鍋, 5人或以上可選2款鍋)龍飛鳳舞(南瓜海蝦雞鍋)雪山飛狐(鮮淮山龍躉鍋)火焰醉鵝(每位加＄20)皮蛋芫茜湯鍋/清湯水果鍋3.活龍蝦海鮮時令拼盤 (6-8款)活龍蝦 沙巴龍躉 原隻帶子 脆肉鯇魚腩 生蠔 蕃薯蜆 鑽石蜆 魷魚 海蝦 聖子4.肉類 ~ 本地手切牛頸脊5.栗子全肉餃，黑松露芝士粟米餃6.田園有機蔬菜，蝦膠釀鮮冬菇7.鴛鴦角蝦滑，鬼馬油條 8.手工即炸響鈴卷拼手工即炸魚皮9.無限追加精選火鍋配料10.無限追加所有無酒精飲品11.甜品 (位上)淨係睇個餐牌都夠吸引，當日遲左少少先到，去到幾位大佬已經叫左湯底，由於四位可以有一個湯底，五位可以有兩個湯底，所以當日有兩個湯底。兩個湯底分别係龍飛鳳舞(南瓜海蝦雞鍋)
先睇下個餐牌有咩野食先：
1.前菜(可無限追加) ~芝麻手撕雞粉皮 秘制麻辣木耳
2.主菜 (2-4人可選1款鍋, 5人或以上可選2款鍋)
龍飛鳳舞(南瓜海蝦雞鍋)
雪山飛狐(鮮淮山龍躉鍋)
火焰醉鵝(每位加＄20)
皮蛋芫茜湯鍋/清湯水果鍋
3.活龍蝦海鮮時令拼盤 (6-8款)
活龍蝦 沙巴龍躉 原隻帶子 脆肉鯇魚腩
生蠔 蕃薯蜆 鑽石蜆 魷魚 海蝦 聖子
4.肉類 ~ 本地手切牛頸脊
5.栗子全肉餃，黑松露芝士粟米餃
6.田園有機蔬菜，蝦膠釀鮮冬菇
7.鴛鴦角蝦滑，鬼馬油條
8.手工即炸響鈴卷拼手工即炸魚皮
9.無限追加精選火鍋配料
10.無限追加所有無酒精飲品
11.甜品 (位上)
淨係睇個餐牌都夠吸引，當日遲左少少先到，去到幾位大佬已經叫左湯底，由於四位可以有一個湯底，五位可以有兩個湯底，所以當日有兩個湯底。兩個湯底分别係龍飛鳳舞(南瓜海蝦雞鍋)同埋雪山飛狐(鮮淮山龍躉鍋)。聽聞個火焰醉鵝好出位，但點解冇叫到嘅，原來每位要加二十，咁五個要加一舊，又似乎唔太抵，所以打消呢個念頭，試左兩個普通嘅湯底先，睇下到底係點先！
龍飛鳳舞湯底鮮甜足料，忍唔住一飲再飲。至於雪山飛狐就冇試過，不過相信也不太差，皆因幾位大佬也沒有投訴。之後再試下佢兩款可無限追家嘅前菜，芝麻手撕雞粉皮 味道幾好，芝麻夠香，而雞絲肉身亦算鬆軟，唯獨粉皮唔夠滑，亦比較硬，令整體算失色少少。秘制麻辣木耳味道香辣，木耳爽口，口感一流，呢款小食絕對值得一試。
再講下個活龍蝦海鮮時令拼盤先，當佢放到上枱面時，真係嚇一跳，因為賣相非常之靚，好吸引。當晩有活龍蝦、鮑魚，帶子、生蠔、海蝦、魚片（應該係沙巴龍躉）同蜆。其中以龍蝦同鮑魚較為出色之外，其他也是中規中舉。
本地手切牛頸脊也必食之選，肉身又薄又香，有牛肉味，真係拖兩下就食得，不錯。至於其他食物也算不俗，不再逐一討論！
總括而言食物質素不俗，除指定款式外，其他食物更可無限追加，服務態度親切一流，帶給人友善嘅感覺。價錢都合理，正價時段278加一，埋單每位300到，又海鮮又邊爐，都算抵。其實食乜有時真係咩所謂，最重要係同咩人，是日黑食會之海鮮邊爐夜堪稱完滿，邊食邊笑，期待下次再聚！
Post
