鹹蛋鴨油撈麵
來到已經先失望左，見唔到期待中的鹹蛋黃或者鴨肉。食落比賣相好少少，麵條都有少少輕微鹹蛋黃嘅味道，冇鴨肉，又冇鴨油味。失望。
流心蛋鴨胸香芋煲仔拌飯
打開又係好失望，冇幻想中嘅芋頭汁。芋頭乾噌噌就咁幾舊放喺飯上面，勁乾索晒d 口水。炒飯底幾香，但係冇汁。撈埋啲流心蛋嘅蛋白就會增加啲濕潤。
鴨胸就整得okay ，都幾有醬油香味。d 材料各自分開嘅味道，唔關事咁放埋一齊。最失望係完全唔係期待中芋頭煲果種樣同味道。
小籠包
小籠包汁非常唔鮮甜，直頭係冇咩味。依家香港都好難搵到小籠包唔好味嘅地方喎。
黑芝麻豆沙包
有啲黑芝麻醬喺入邊。但係食唔到豆沙味。超普通。
總結係點解可以每樣嘢都令人失望。浪費左個咁有誠意嘅裝修。
環境： ★★★★☆
食物： ★★☆☆☆
性價比： ★★★☆☆
推介度： ★☆☆☆☆
25
35
