Video
Read full review
2023-02-03
370 views
香港近年開咗好多點心專門店，標榜手工點心，現場製作、即叫即做，啱晒喜歡一盅兩件，但又唔想幫襯集團式酒樓嘅我。最近就有朋友推介咗港灣豪庭廣場地下呢間「海灣茶居」畀我，原來店舖除咗主打即製點心之外，晚市仲有精美小菜、海鮮、養生燉湯等供應。揀咗平日嘅下午茶時段到訪，店內食客不多，唔使等位就可以直接入座，環境輕鬆寫意，座位闊落舒服。每次去食點心都會嗌蝦餃、燒賣同叉燒包，今次當然亦唔例外，三款點心都新鮮熱辣，即點即蒸。月滿晶瑩蝦餃皇 ($18) 蝦餃斤量十足，兩大粒，外形扎實飽滿，賣相美觀，加上餃皮剔透，蝦肉爽口彈牙，食味不俗。另外呢款黑松露北菇燒賣皇 ($18) 亦係必食之選，用上大大粒北菇同厚實入味嘅豬肉炮製，食落非常彈牙，加上頂頭嘅黑松露，入口帶迷人香氣，味道唔錯。腩叉叉燒包 ($18)，叉燒包體積不小，包皮甚是鬆軟，入面嘅腩叉非常正，肥瘦均稱，加埋啲醬料，鹹甜相襯，特別滋味。香麻流沙煎堆 ($18) 煎堆外層黏滿了芝麻，食落超香口，脆卜卜、甜膩膩、煙煙韌韌，加上內裡香滑微甜嘅奶黃餡，口感一流。另外呢客櫻花蝦蘿蔔絲酥 ($38) 亦屬水準之作，酥皮造工細緻，入口熱辣辣、乾身又鬆化，
最近就有朋友推介咗港灣豪庭廣場地下呢間「海灣茶居」畀我，原來店舖除咗主打即製點心之外，晚市仲有精美小菜、海鮮、養生燉湯等供應。
揀咗平日嘅下午茶時段到訪，店內食客不多，唔使等位就可以直接入座，環境輕鬆寫意，座位闊落舒服。
每次去食點心都會嗌蝦餃、燒賣同叉燒包，今次當然亦唔例外，三款點心都新鮮熱辣，即點即蒸。
月滿晶瑩蝦餃皇 ($18) 蝦餃斤量十足，兩大粒，外形扎實飽滿，賣相美觀，加上餃皮剔透，蝦肉爽口彈牙，食味不俗。
另外呢款黑松露北菇燒賣皇 ($18) 亦係必食之選，用上大大粒北菇同厚實入味嘅豬肉炮製，食落非常彈牙，加上頂頭嘅黑松露，入口帶迷人香氣，味道唔錯。
腩叉叉燒包 ($18)，叉燒包體積不小，包皮甚是鬆軟，入面嘅腩叉非常正，肥瘦均稱，加埋啲醬料，鹹甜相襯，特別滋味。
香麻流沙煎堆 ($18) 煎堆外層黏滿了芝麻，食落超香口，脆卜卜、甜膩膩、煙煙韌韌，加上內裡香滑微甜嘅奶黃餡，口感一流。
另外呢客櫻花蝦蘿蔔絲酥 ($38) 亦屬水準之作，酥皮造工細緻，入口熱辣辣、乾身又鬆化，入面嘅蘿蔔絲好 Juicy，加上櫻花蝦香氣，令人一吃愛上。
食完咁多點心，點返個揚州炒飯 ($50)，嗅下米氣。炒得好有鑊氣，大大碟，份量十足，色澤漂亮誘人，蝦仁爽彈、米飯粒粒分明。
最後梗係要以甜品作結，點咗花生糖不甩 ($12) 同 果皮紅豆沙 ($16)。
糖不甩面頭加咗啲椰絲同花生碎粒，食落幾有口感，圓潤黏糯；而紅豆沙味道亦非常香甜，綿密細膩，陳皮香氣十足。
Post
