鼎·會館 (Closed)

正所謂冬大過年，一年努力工作後當然要對自己對家人好d！早前做冬帶左家人去鼎爺開嘅鼎。會館食餐好！意間比較啱4-6人去食手功菜。裝修用中式設計，精緻高雅，環境大景色開揚。今次一行四人點了六個餸一個甜品，菜色精細，手功細心，味道不油膩。大家都十分滿意。首先每人一盅雞茸燉官燕，材料十足，味道鮮味。阿爺七彩炒星斑球，已起好肉，啖魚肉，肉質外香內滑。不錯。個人非常鍾意意個鮮茄蟹肉粉絲煲！真的非常鮮甜，整隻蟹肉已拆非常方便！但還能保留整對蟹鉗肉，手功一流！味道剛好，能平衡鮮茄酸甜度，粉絲能吸收蟹肉鮮甜精華^_^的確一食難忘！紫晶生炒骨，用上紫色火龍果配生炒骨。比傳統用菠蘿，甜味更配！醬汁整整包住生炒骨,肉質爽脆，絕對必叫^_^最後鱆魚鮑魚雞粒有味飯，香味撲鼻，味道香濃，飯粒分明有咬口。估晤到加左已調味頭抽，可以令整個飯味道層次升華了不少，劃龍點精嘅效果！甜品是整餐飯劃上完美句號點了芋蓉燉鮮奶，鮮奶香濃幼滑芋蓉香甜不膩。