川府宴 (Closed)

朋友知道我嗜辣，所以就話叫我帶佢去吃好味川菜😅，不過我就帶住一點小私心，拉左佢去陪我試之前未去過嘅川菜館。這家菜館是樓上舖，地方唔係好大， 不過佈置簡單雅致， 座位都算寬敞， 所以坐得幾舒服。因為我lunch都未食，所以根本餓到無法專心看餐牌， 於是快點一道川式炒飯， 填下肚先😆。其實兩個人食川菜選菜式都幾有難度，於是我建議要一鍋水煮魚。因為朋友喜歡吃魚， 呢度用嘅係石班，肉厚又嫩滑。店員問我地食唔食得辣， 我條件反射即刻答食得好辣🌶️🌶️🌶️🌶️🌶️🌶️🌶️🌶️😊。另外佢仲幫我地配左兩款小吃，唔夠再點。剛點完單炒飯就到， 飯粒炒得幾好，粒粒分明，配料有彈牙小蝦同菜粒，辣椒粒切得很細，惹味得嚟唔算辣。一小碗落肚，我精神才回來。可以同朋友邊傾邊等上菜，朋友不停笑我🙄。兩款小吃都是凉拌， 一份麻辣魷魚，一份燻蹄雞件。一個吃鮮味，一個吃咸香，個燻雞酒香好濃，真讚👍。我地其實只係點左半份水煮魚，但上枱都幾大鍋噃。石班塊都幾多， 另外有的喜歡嘅蒿荀、寬粉條、大豆芽菜等配料。石班肉好厚但好滑，寬粉條索滿辣汁超好味， 不過其實比我食開嘅又唔算好辣， 但就食得好舒服。下次我會special order特辣囉😁。