龍城金記海鮮火鍋

Open Now

Now Closed

今晚1大班朋友約了在九龍城打邊爐，去了我聽就聽得多，但係未去過的龍城金記，朋友極力推介，話呢度嘅牛同豬都非常出色，講多無謂，試過就知，睇片先。襯鍋底未滾，先食個象拔蚌刺身；即叫即切，新鮮爽口，大隻，鮮甜。湯底我們要了粟米蕃茄豬骨併沙嗲，豬骨湯底夠哂味，而沙嗲湯底果然是鎮店之寶，香濃惹味。既然朋友話呢度啲牛同豬都出色，咁當然要試吓招牌金記牛魔塔；分三層，上層是坑腩及胭脂兩款牛肉粒，第二層是牛脷及鮮牛肉，最底層是金錢𦟌以及特級手切肥牛。由於這裏用的全是新鮮牛肉，所以無論是牛味、肉質及口感都非常出色，冇得頂。牛出色，豬都唔輪蝕。西班牙黑毛豬肉粒軟腍，好香豬肉味，而豬前𦟌筋則非常爽口。這裡的豬紅及鮮雞腸亦是必食之作，新鮮乾淨。打邊爐當然唔少得炸響鈴，新鮮炸起，鬆脆香口。肉類出色，這裏的蔬菜亦非常新鮮，如豆苗蘿蔔冬瓜片及冬菇等，阿J 大讚。無論湯底、肉類或蔬菜水準都非常高，唔怪得可以喺九龍城䇄立咁多年。