Video
Read full review
2011-01-29
35 views
今年冬天特別覺得漫長，亦覺得特別凍，呢種天氣之下，真係令人好想成日搵野食暖下肚，不過煲仔菜煲仔飯打邊爐呢幾樣野，大家呢排都食得太多，剛巧友人提議到九龍城食泰國菜，又可以暖下身又唔駛再打邊爐，所以就突然好想返黎呢間泰式燒烤...本來泰式燒烤有個好精彩嘅烤肉拼盤，可惜我地黎早左時間，主理人話要過多二至三小時先有。可惜五臟廟實在頂唔住，唯有食住呢個泰式拼盤頂住...蝦餅雞翼同樣香脆熱辣，最特別係炸春卷，入面果條芋頭條，簡直令整條春卷錦上添花，精彩！生蝦刺身係我每次到泰國菜館必食，有次更試過四個麻甩佬，每人叫三碟佐酒，諗起都誇張！呢度嘅生蝦唔係用草蝦，食落無咁彈牙爽口，但勝在新鮮甜美，而個辣汁更加係非常出色，怕辣嘅我亦難忍誘惑，愈蘸愈過癮！黎到呢度有樣野一定要試，就係白灼螄蚶！好多朋友可能因為螄蚶果種血色汁液而唔夠膽試，其實螄蚶係一種非常精彩嘅貝類食品，佢同赤貝同科，肉質咬落既似蜆肉，又有少少似生蠔感覺，灼得剛好嘅螄蚶肉食落去，濃厚鹹味同獨特鮮腥味同時爆發，實在好食！當然，始終都係海產類食品，大家量力而為會好啲！泰式燒烤嘅蠔仔蛋，絕對係不可不試嘅精彩菜式。半熟嘅蛋混入肥大飽滿嘅蠔仔，放上芽菜上
本來泰式燒烤有個好精彩嘅烤肉拼盤，可惜我地黎早左時間，主理人話要過多二至三小時先有。可惜五臟廟實在頂唔住，唯有食住呢個泰式拼盤頂住...蝦餅雞翼同樣香脆熱辣，最特別係炸春卷，入面果條芋頭條，簡直令整條春卷錦上添花，精彩！
生蝦刺身係我每次到泰國菜館必食，有次更試過四個麻甩佬，每人叫三碟佐酒，諗起都誇張！呢度嘅生蝦唔係用草蝦，食落無咁彈牙爽口，但勝在新鮮甜美，而個辣汁更加係非常出色，怕辣嘅我亦難忍誘惑，愈蘸愈過癮！
黎到呢度有樣野一定要試，就係白灼螄蚶！好多朋友可能因為螄蚶果種血色汁液而唔夠膽試，其實螄蚶係一種非常精彩嘅貝類食品，佢同赤貝同科，肉質咬落既似蜆肉，又有少少似生蠔感覺，灼得剛好嘅螄蚶肉食落去，濃厚鹹味同獨特鮮腥味同時爆發，實在好食！當然，始終都係海產類食品，大家量力而為會好啲！
泰式燒烤嘅蠔仔蛋，絕對係不可不試嘅精彩菜式。半熟嘅蛋混入肥大飽滿嘅蠔仔，放上芽菜上面，再用燒紅嘅鐵板上檯。賣相吸引之餘，入口嫩滑，蛋味蠔味配合得非常好，食完暖笠笠，實在無唔推介嘅理由！
本來想叫呢度名物燒牛胸腹，但唔好彩地又無貨，唯有食燒豬頸肉頂頂癮。豬頸肉食落細緻緊密，燒得亦夠香口，可惜略嫌瘦左少少，始終要有點脂肪先至好味。
呢度嘅泰式咖喱水準相當唔錯，但礙於怕辣關係，所以今次只叫左辣度較輕嘅黃咖喱同青咖喱。呢份黃咖喱炒蟶子食落鮮香無比，椰奶份量剛好，可惜蟶子肉全部跌在碟底，要辛苦打撈之下先至有肉食，下次都係食炒青口或者炒蟹會更好...至於青咖喱雞辣味極淡，但勝在夠清爽，其中入面嘅九層塔，更增添多一份香草清香味。美中不足係雞肉份量較少，而且切得較細件，滿足感絕對欠奉，好彩仲有最後殺著....
食得咖喱，當然少不了食油酥餅，油酥餅蘸上咖喱汁，特別好味。而且呢度嘅油酥餅整得相當出色，。餅身熱辣辣，食落外層香脆，入口層次感十足，絕非一般泰國菜館可以做到嘅級數，就算唔蘸上咖喱汁一樣食得痛快開心，極級推介！
最後再來一碟蝦醬炒通菜，令整餐晚飯變得相當完美，通菜青綠鮮嫩，炒得夠軟身，蝦醬味剛好不嗆鼻，係在泰國菜館較少機會食到嘅優質炒菜，好味～！九龍城區泰國菜館林立，小小一間泰式燒烤絕對唔起眼，不過以質素跟價錢來計，泰式燒烤絕對唔會輸蝕比其他大菜館，呢餐大家飲飽食醉，四人行都係五百幾蚊，絕對超值抵食吧～！
Post
