Video
Read full review
2018-03-02
108 views
友人是個歐洲迷，平日最愛就是吃意大利薄餅，早前相約我一敘，就選了來銅鑼灣這間以即叫即做手工 Pizza 為主打的「The Point」。餐廳位於登龍街轉角處，門面搶眼，以通透明亮的落地玻璃作設計，讓內部一目了然。踏進店，地方唔錯，樓底高，空間感大，環境舒服，燈光明亮，配上一室木質餐桌，簡約自然，帶歐陸風情。入坐後再細心留意，原來天花板用左燈泡砌出餐廳「THE POINT」嘅店名，裝潢很有心思，令人眼前一亮。先拿起幾份餐牌逐一細看，食物款式不少，有湯、沙律、小食、約廿款不同口味嘅薄餅、意粉、通粉、主菜，另外亦有甜品、甜 Pizza、凍茶、啤酒、非酒精類飲品及雞尾酒等，選擇豐富。見這天天氣回暖，有點悶熱，所以決定先每人點杯凍飲降降溫。揀左 Fruit Punch ($48) 同 Mango Tango ($48) 各一，前者雜果賓治以橙汁、西柚汁和草莓蓉等炮製，味道帶酸，果味濃郁；而後者就用左新鮮芒果汁、橙汁同梳打調成，入口微甜帶清，順喉不涸，果味自然。既然一心為吃薄餅而來，當然要揀番個餐廳招牌菜試下，點了一客 Lobster Pizza 龍蝦薄餅 ($298)。Pizza 用料矜貴，
友人是個歐洲迷，平日最愛就是吃意大利薄餅，早前相約我一敘，就選了來銅鑼灣這間以即叫即做手工 Pizza 為主打的「The Point」。餐廳位於登龍街轉角處，門面搶眼，以通透明亮的落地玻璃作設計，讓內部一目了然。踏進店，地方唔錯，樓底高，空間感大，環境舒服，燈光明亮，配上一室木質餐桌，簡約自然，帶歐陸風情。
入坐後再細心留意，原來天花板用左燈泡砌出餐廳「THE POINT」嘅店名，裝潢很有心思，令人眼前一亮。
先拿起幾份餐牌逐一細看，食物款式不少，有湯、沙律、小食、約廿款不同口味嘅薄餅、意粉、通粉、主菜，另外亦有甜品、甜 Pizza、凍茶、啤酒、非酒精類飲品及雞尾酒等，選擇豐富。
見這天天氣回暖，有點悶熱，所以決定先每人點杯凍飲降降溫。揀左 Fruit Punch ($48) 同 Mango Tango ($48) 各一，前者雜果賓治以橙汁、西柚汁和草莓蓉等炮製，味道帶酸，果味濃郁；而後者就用左新鮮芒果汁、橙汁同梳打調成，入口微甜帶清，順喉不涸，果味自然。
既然一心為吃薄餅而來，當然要揀番個餐廳招牌菜試下，點了一客 Lobster Pizza 龍蝦薄餅 ($298)。Pizza 用料矜貴，採用了原隻澳洲龍蝦，望落去好有立體感，造型奪目，氣勢十足，視覺效果一流，加上即叫即焗，上桌時仍熱辣辣。先用手提起一件，拉絲效果明顯，上面嘅龍蝦肉鮮爽彈牙，而龍蝦頭入面就釀左用海鮮汁炒過的大蝦粒和菇菌。
餅底用上幼滑的意大利 00 麵粉和新鮮芝士焗成，食落又薄又脆，配上新鮮嘅茴香頭、車厘茄、水牛芝士和海鮮汁，入口香氣四溢，惹味得來又帶點清香，讓人吃得相當滿足。
接著的 Norwegian Salmon 木烤三文魚配黑松露忌廉汁 ($182)，水準亦不遑多讓，三文魚以一隻黑色圓碟盛上，底層墊有烤薯仔、意大利黃瓜及青瓜，面頭飾上兩條翠綠的蘆筍，賣相挺美。魚皮煎得脆口甘香、而魚肉質感亦軟綿輕柔，吃起來嫩滑無比，蘸上菌香十足的黑松露忌廉汁，更有畫龍點睛之妙。
Sweet Pizza 是餐廳另一名物，當然唔可以錯過，點了 Nutella Orange Pizza 香橙榛子醬薄餅 ($72)，薄餅只有 6”，size 不大，最適合兩個人分享。廚師喺餅底鋪滿橙肉和合桃粒，再淋上榛子朱古力醬，中間伴以一球雲呢拿雪糕。Pizza 入口微酸帶甜，開胃迷人，而雪糕亦質感滑溜，令甜蜜滋味升級。見鄰桌點的煙三文魚薄餅和紅酒燴和牛肋肉，看起來都非常吸引，唔知友人是否有興趣再同我來一試呢？
Post
