City Art Steak．Grill (Closed)

琴日約左個朋友食飯，因為之前幫左佢追到個女仔，哈哈~~梗係食盡佢，反正我朋友話食咩都得。我初時都諗住食buffet既，係沙田又交通方便既都係得酒店最好，起碼quality有保證先。我朋友話City Art Restaurant既晚市時段可以任叫，仲話係龍蝦鮑魚任食，嘩，聽到都流口水喇~我一定實ok啦。由於我係第一次食，聽到我朋友講到咁吸引，都好期待。入到餐廳，有好多冷盤、海鮮排列得好整齊，同埋個環境好舒服。我一開始出左去拎生蠔，有澳洲、美國，好鮮甜唷，一食落口果種肥美同淡淡肉，令我地都拎左幾轉。一d都唔出奇，因為我見有d人都係咁拎。好濃味既龍蝦湯沙律之中呢個藍龍蝦係我最愛。龍蝦已經拆開哂d肉，下面係木瓜，夠哂甜，顏色又靚。鮑魚好有嚼勁，唔算堅韌，但食落好有口感，如果大件d就更加好。我一個人叫左2碟先夠。鵝肝好大塊呀，因為鵝肝係出面食都好貴，冇諗到任點任食既鵝肝份量都係咁大，意外地開心。甜品有好多，專登試下自己親手整waffle，做法好簡單，只要將d醬放入個機度就可以。機前面都有簡介點去運作既。我整左2個，第一個等左3分鐘，食完之後覺得可以整得脆身d，於是第2次整既時候就等多半分鐘，即係