稻香 (Closed)

好耐冇食稻香，因為個價錢都幾貴，但適逢呢排做堅1蚊1隻雞，所以就去試下。聽人講隻雞係炸子雞，仲要原隻上自己用手拆，我就冇乜所謂，用手食仲正，不過聽人講如果叫佢拎返入去斬就要收返你正價，可能有人試過啦。我哋兩個人食，叫咗一隻雞同一個雜菜煲，個煲既份量都算幾大，不過味道淡左啲，但佢啲花膠都幾多，同埋都幾大塊，而隻雞真係唔錯，個皮好脆，佢會連埋一對手套俾你，一拆開隻雞好多雞汁流出來，正。不過好老實，啲侍應既態度就真係麻麻地。