Paper Stone Bakery (Closed)

將軍澳站附近大部分既面包舖都係屬於大集團旗下，啲包來來去去都係個幾味，真係你唔悶我都悶。不過總有例外，例如呢間主打法國面包既Paper Stone。Paper Stone 係Popcorn 開左幾個月, 以工業風作為舖頭入面既裝修風格。店入面唔單止有面包賣，仲有蛋榚，咖啡可以食到，所以舖頭入面都專登間左個位黎俾客人堂食。佢地既法包有分用唔同食材，唔同硬度，重量等等，啲資料有齊哂係價錢牌上面。客人可以因應自己既口味去選擇適合自己既法包。唔識點揀都唔緊要，因為呢度係可以試食架，有幾款切定擺係度俾人試，冇個款試的話問下店員可唔可以試就得。當然除左法包Paper Stone都仲有唔少既面包任君選擇個人覺得啲面包係幾新鮮既，食過係比breadxalk 等等既包來得好食(以同等價錢黎講)今次去買左芝士法包，外表上感覺份量唔係好多，但係切開一睇，入面係軟熟而厚實既面包，仲有足料既芝士粒，本身諗住當小食咁食小小一陣再食正餐，但係食食下連正餐都可以唔駛食，飽到我呢(^-^),雖然價錢偏貴但偶爾豪一次都ok 既下次可以買幾款面包返屋企，實行玩面包放提都好喎