Video
Read full review
2021-11-07
50 views
好耐無寫食評，最近都食過唔少餐廳，希望可以努力寫多幾篇😂😂今次想寫另一間Omakase，其實本身唔係想食呢間，只不過因為想book果間full晒，就揀咗食呢間。間餐廳都好易搵，係地舖，坐位約有14個位，有3位師傅served 我地，呢一日第二輪lunch都full。眼前有個長方型既籃色碟，最右手邊會放上醃製過既薑同埋牛蒡，我好鐘意食😋😋D薑唔會太辣，牛蒡好爽口前菜：茶碗蒸，醋醃海蜇主菜：12件壽司🍣埋尾：麵豉湯甜品：蜜瓜我就唔逐一介紹，一來唔記得魚名，二來其實大家大約都知道Omakase既流程係點，先食白魚、貝類，之後就會係濃味既壽司等等🍣。今次食Omakase既經驗我個人覺得都唔錯既，基本上每件魚都新鮮、貝類爽口；但又未至於好食到一試難忘🙄。有幾樣野都幾好，其中一款就係魚子，最驚喜因為每粒魚子都係卜卜聲好脆口，勁鮮甜真心好味～而海胆當然係我至愛，日本海膽真係無得輸。反而最尾既吞拿魚壽司就失色，因為有筋😑。所以佢地唔係俾吞拿魚最肥美部分我哋，一分錢一分貨俾你…最後上既蜜瓜都唔係算甜，無咩特別…嗯。另外，因為老公生日事前問定餐廳會唔會有蛋糕送之類，佢哋只有豆付布甸插上蠟燭，都好過無既🙃離
今次想寫另一間Omakase，其實本身唔係想食呢間，只不過因為想book果間full晒，就揀咗食呢間。
間餐廳都好易搵，係地舖，坐位約有14個位，有3位師傅served 我地，呢一日第二輪lunch都full。
眼前有個長方型既籃色碟，最右手邊會放上醃製過既薑同埋牛蒡，我好鐘意食😋😋D薑唔會太辣，牛蒡好爽口
前菜：茶碗蒸，醋醃海蜇
主菜：12件壽司🍣
埋尾：麵豉湯
甜品：蜜瓜
我就唔逐一介紹，一來唔記得魚名，二來其實大家大約都知道Omakase既流程係點，先食白魚、貝類，之後就會係濃味既壽司等等🍣。
今次食Omakase既經驗我個人覺得都唔錯既，基本上每件魚都新鮮、貝類爽口；但又未至於好食到一試難忘🙄。
有幾樣野都幾好，其中一款就係魚子，最驚喜因為每粒魚子都係卜卜聲好脆口，勁鮮甜真心好味～而海胆當然係我至愛，日本海膽真係無得輸。
反而最尾既吞拿魚壽司就失色，因為有筋😑。所以佢地唔係俾吞拿魚最肥美部分我哋，一分錢一分貨俾你…最後上既蜜瓜都唔係算甜，無咩特別…嗯。
另外，因為老公生日事前問定餐廳會唔會有蛋糕送之類，佢哋只有豆付布甸插上蠟燭，都好過無既🙃
離開餐廳之後，問先生覺得呢餐廚師發板如何？！佢話都唔錯，但係有樣野佢唔太鐘意，原來係師傅會係壽司上面加上特製既醬料。佢話會搶咗魚本身既魚味，我認同佢既講法。
不過我自己就幾鐘意，可能我好怕食到魚既腥味，所以如果有啲醬料點綴，我係ok。
所以唔同餐廳食既Omakase，都總會有少許唔同style，未必個個都合你口味，但最緊要都係想食出食物既鮮甜原味道
我既食評唔知又合唔合你心水呢？！😂😂
Post
