首爾家韓國料理

Open Now

Now Closed

訂咗呢間餐廳幫朋友慶祝生日，地點方便喺銅鑼灣，價錢好似合理，睇食評都唔錯，所以就嚟試吓。咁我哋三個大人一個小朋友，就叫咗一個二人餐加多雞翼拼盤，再加一啲飲品，加埋小食就啱啱好。食落覺得幾好，加上店員會幫顧客燒肉同埋處理好燒盤上面嘅食物，所以本來都OK。咁我哋帶咗一個蛋糕啦店員就幫我哋雪起佢，都食完飯嘅時候佢幫我哋拎出嚟，基本上蠟燭佢又冇幫我哋點，切又冇幫我哋切，只不過拎咗個蛋糕出嚟，仲揼咗我哋隨蛋糕附送嘅靚靚雪藏袋。仲好求其咁幫我哋影咗一兩張合埋眼嘅合照。最驚人嘅係埋單竟然收我哋$100切蛋糕費， 我哋比蛋糕佢嗰時佢完全冇講，我哋個小蛋糕先係$300，你以為自己係半島酒店咩收人$100，嗰個切餅費仲要冇服務，自己點蠟燭自己切。當時因為朋友生日所以冇出聲但係返到嚟諗諗吓真係唔係好對路，希望大家唔好俾佢呃啦，返屋企慢慢食好過。