滿屋日本料理 (大鴻輝(荃灣)中心) (Closed)

近日朋友向我推薦呢間滿屋日本料理，佢係一間日式放題餐廳，有好多等級選擇，我揀咗最貴嘅D餐，每位$588。雖然唔係平，但係食物選擇好多，份量豐富，真係物有所值。以下推介幾款必點菜式:海膽刺身 🦪 - 佢嘅鮮味同口感真係一流，海膽一d都唔腥，入口即化，仲要可以任食，我地加埋可能每人食左一板都有🤣大拖羅刺身/中拖羅刺身🍣 - 刺身新鮮肉質鮮美，大拖羅肉質軟嫩，油脂豐富。中拖羅厚切肉質較彈牙，兩者各有優點😁松葉蟹腳🦀 - 簡單而好味嘅選擇，蟹腳食落去有少少咸嘅海水味，肉質鮮美，呢啲自助餐物有嘅菜式估唔到放題食到。香煎鵝肝🦆 - 佢哋煎得恰到好處，外脆内軟，如果有塊多士夾住食就更正！磯煮鮑魚/燉花膠🦪 - 磯煮鮑魚煮得好淋，加上佢哋嘅甜甜地嘅醬汁，好入味。燉花膠係用優質厚實嘅花膠燉製而成，膠質十足！