平昌

Open Now

Now Closed

晚餐去咗一間韓式任食放題餐廳，叫咗「世子御膳」，可以120分鐘任點任食，有生嘅肉類同埋海鮮，可以點嚟自己燒。另外仲有熟食、炸物、鍋物等等，即叫即食。燒烤爐係韓式嘅，旁邊係芝士，中間係鐵板，好特別，服務員非常貼心，不時會過嚟幫你換新鐵板，鐵板燒黑左都唔怕。生食方面，揀咗牛肋骨、西冷牛扒、牛脷、五花肉、雞翼、雞軟骨串、豬頸肉、半殼焗蠔、原隻鮮蝦、帆立貝、鰻魚等等。自己燒，充滿樂趣。熟悉方面，叫咗韓式炒粉絲、粟米沙律、海帶湯、炸芝士年糕等等，好正。飲品可以自己去雪櫃攞，任飲啤酒汽水，仲有韓國特色罐㗎裝飲品。總結，食材新鮮，價錢合理，120分鐘，慢慢燒，好好玩，食物選擇好多，好豐富，價錢合理，勝價比高。