Video
Read full review
2024-09-28
1185 views
說話Café Kool 嘅自助餐，無論港香同九香都食過幾次，但係5星酒店都要出外賣飯盒，應該啲生意都真係差到唔救市唔得。本身老公上網見到啲宣傳係$88，可惜一個唔小心中咗COVID，留喺屋企休息咗一個星期，再出去買已經變咗$128。本著點都要試嘅心態，我老公每款叫咗一個。佢哋個外賣飯盒分咗三款，肉類、海鮮、素食。佢哋網站上面稱之為盲盒，講到明盲盒，即係無指明有咩餸喺入面啦。問過佢哋嘅員工，都話係廚師們喺廚房隨心準備嘅，所以都唔知入面有啲咩喎。（個人覺得係吹㗎啫，說話我問佢肉盒入面嗰個係紅酒燴牛腩？佢係即刻答到我嗰個係牛𦟌嚟嘅😂）總之我哋買完三個飯盒就滿心歡喜歸家去啦。可惜，一打開個盲盒，真係差啲粗口都飛埋出嚟！😂佢個素食盲盒，一打開，一大格放嘅係印度茴香飯，用嚟食咖哩嗰啲。上面細格又真係搭咗一個馬薩拉咖哩，不過唔辣，係有個突出少少嘅蕃茄釀芝士再加啲青椒咁。另外嗰一格係無乜汁嘅紅燒豆腐四條。其實$128買個素嘅咖哩飯我真係無問題。問題在於佢個咖哩得兩啖，佢個飯有一大盒。而茴香飯係乾身啲用黎送咖哩嘅，無咖哩真係唔知點放入口。仲要加一個無汁嘅豆腐，如果我係單點呢個飯，我諗我真係食唔到。去間專
本身老公上網見到啲宣傳係$88，可惜一個唔小心中咗COVID，留喺屋企休息咗一個星期，再出去買已經變咗$128。
本著點都要試嘅心態，我老公每款叫咗一個。
佢哋個外賣飯盒分咗三款，肉類、海鮮、素食。
佢哋網站上面稱之為盲盒，講到明盲盒，即係無指明有咩餸喺入面啦。
問過佢哋嘅員工，都話係廚師們喺廚房隨心準備嘅，所以都唔知入面有啲咩喎。
（個人覺得係吹㗎啫，說話我問佢肉盒入面嗰個係紅酒燴牛腩？佢係即刻答到我嗰個係牛𦟌嚟嘅😂）
總之我哋買完三個飯盒就滿心歡喜歸家去啦。
可惜，一打開個盲盒，真係差啲粗口都飛埋出嚟！😂
佢個素食盲盒，一打開，一大格放嘅係印度茴香飯，用嚟食咖哩嗰啲。上面細格又真係搭咗一個馬薩拉咖哩，不過唔辣，係有個突出少少嘅蕃茄釀芝士再加啲青椒咁。
另外嗰一格係無乜汁嘅紅燒豆腐四條。
其實$128買個素嘅咖哩飯我真係無問題。
問題在於佢個咖哩得兩啖，佢個飯有一大盒。
而茴香飯係乾身啲用黎送咖哩嘅，無咖哩真係唔知點放入口。
仲要加一個無汁嘅豆腐，如果我係單點呢個飯，我諗我真係食唔到。
去間專門食咖哩嘅舖頭，先唔好講使唔使$128 一盒飯，至少我肯定我兜咖哩汁夠送飯囉😑
素食盲盒
$128
50 views
0 likes
0 comments
再講海鮮盲盒，又係一個唔買好過嘅組合。
有2件炒蟹（應該係成盒入面最貴嘅餸）、一隻蝦同兩舊魷魚炒嘅荷蘭豆、同一個豉油皇海鮮炒麵。
戒口中嘅我，兩件蟹由老公包辦，無聽佢彈，但係都無讚，應該都係正常發揮。
荷蘭豆就⋯只能夠講，我估計唔到佢係做中式餸嘅海鮮飯盒，至少都煎舊100克嘅鱸魚吖😮💨
好啦，係我要求太高🥲
個豉油皇炒麵先九唔搭八，仲要啲蝦係一開二，蝦身同蝦尾切開嚟炒嘅（？滿頭問號？？）
其實好老實講，呢啲急凍海鮮值幾多錢？計成本都唔使慳到咁，仲要有半盒係個麵，真係多謝晒。
雖然佢個豉油皇炒麵係幾香，但真係未搵到$128 嘅價值囉。
海鮮盲盒
$128
62 views
0 likes
0 comments
到最後一個肉盒。
唯一覺得值得比$128 食佢嘅一個。
首先個牛𦟌份量好充足，調味都唔錯。
加埋個炸雞，雖然得幾件，但係都皮薄，凍咗都叫做Juicy。
最後係個法式焗薯批，因為本人好鍾意食呢樣嘢，同西餐都夾嘅，係個調味甜咗少少，但都唔太差。
據聞佢哋個肉盒係無澱粉質嘅（呢個都係個職員講嘅），但係我哋最終三個盒都有澱粉質。
只係肉盒嘅澱粉質份量係最恰當。
肉類盲盒
$128
24 views
0 likes
0 comments
但真心，無可能叫咩盒佢都比澱粉質我㗎嘛，啲餸嘅份量又少，叫個兩餸飯都無咁嬲。
今餐$384 個人就覺得完全唔值，如果有下次，應該會淨係叫肉盒。
留多句言比個餐廳，如果你哋希望救市，希望有生客黎捧場，咁你哋呢個外賣盒就應該大方啲，比人試到你哋好食嘅嘢，而唔係比人睇到你咁計較。
你哋話有客人反映唔夠飽，唔夠飽唔係用澱粉質塞滿客人個胃，而係啲餸嘅份量應該多少少。
你做$88 一個就話無乜利潤啫，你做緊$128 一個喎，你確定應該出半盒白飯比客人？
你哋真係當自己$35 兩餸飯咩。
評分（5😋滿分，😬為0.5分）：
食物：😋😋（啲分全部比個肉盒嘅）
環境：😋😋😋😋
抵食程度：😋😬 （啲分都係比個肉盒嘅）
Post
