利寶閣 (Closed)

佢伏到我要寫食評，我第一次寫openrice食評就係因為佢。環境寬躺，服務員態度都有禮貌。首先，我黎到寫完點心紙，過左一陣佢同我講冇曬黑松露牛柳酥。我最期待嗰款點心竟然冇，真係好失望。佢話今日返唔到貨？？之後點心陸陸續續上：每位客人會有一份灌湯餃，黑松露蟹鉗酥同埋黑魚子鮮蝦腐皮卷）灌湯餃淡而無味，黑松露蟹鉗外皮甜甜地啲餡有啲腥，鮮蝦腐皮卷就不過不失。黑松露系列點心：黑松露鮮蝦餃，係其中一樣令到我冇咁嬲嘅點心，細細粒有黑松露味，個皮有少少黏口。黑松露叉燒腸粉好一般，冇黑松露味。黑金流沙包，正常發揮，流心。燒賣王OK好食。上湯鮮竹卷難食，個湯有少少臭。健康燕麥糕冇黎到。鹹水角好食，上到嚟仲係脆嘅。日式煎餃子其實係炸餃，不過都幾好食。蜂巢芋盒佢又同我講冇晒。魚餅一般正常超市買到嘅口味。金菇伊麵正常，調味唔錯，可惜嗰麵lum左啲。荷葉飯超級難食，好似有浸燶味，完全冇調味，得個顏色。鮑汁鳳爪,都係一般，有入味。甜品楊枝甘露個味係正常嘅但係啲西米未煮熟有啲硬。脆麻花變咗蛋散不過佢夠脆，係好食嘅。總括而言，佢啲嘢唔好食，我好唔欣賞佢哋做放題但係樣樣冇，千祈唔好中伏。兩個人食，預先上網訂同付款，所以折