滿堂紅頂級雞煲火鍋 (Closed)

之前去完旅行，幫左朋友買D野，拖左一排終於夾到一日出黎食飯。一班朋友聚會都係離唔開打下邊爐之類，尤其任飲任食個D，因為食野就唔使就住就住，大聲D講野氣氛又好D。我地都諗住試下新野，同埋地點大家就腳，上網搵下咁就book左依間試下。 我早到左，因為任食限時2個鐘，所以我就諗住等多一兩個朋友先上去，係等人既時候影下相。 地點黎講都方便，油麻地A1出口一直行就到，總共有兩層，幾易認。 價錢就均一價，睇反幾點入座，我地就約左8點，正價178一位，仲要唔使加一，其實好抵。 人齊之後上到去，首先揀左個煲先，其實都有幾款可以揀，有雞有魚。不過最後我地都係揀麻辣雞煲，個人食後覺得如果鍾意食辣可以揀辣D。 叫完之後就等食，佢有D 熟食係自助吧形式 見有D肚餓，我拎左咖喱魚蛋、雞腳、豬肚、再整埋蒜汁白肉。 另外，火鍋配料選擇都幾多，有火鍋必食既肥牛、豚肉，丸類、海鮮等。 等左一陣有得食啦，雞煲唔錯，值得一提係佢有豆腐乾係入面，之前食雞煲好少會食到。我個人比較鍾意食，而且佢吸左D汁，好惹味。食完之後就打邊爐，因為任食，我地又咁多人食，所以咩都拎。 飲品方面都有10款選擇，咁我就飲左解茶。 最後食埋雪榚，一共