eyebar

Open Now

Now Closed

近排少咗夜蒲嘅活動，所以會多咗啲健康同享受生活嘅環節。最鍾意嘅係望住維港，放低腳步，嘆番杯。今次來到國際廣場30樓，時間總係五點幾，所以人唔太多，只有一台客，我哋四個女仔就包晒成個互外場，但請留意人流將會係六點半到入夜之後開始多。個180度維港view實在無得彈，宜家仲要正值秋天，feel住d海風吹埋面實在mug煩惱都走o西。雞尾酒大概九十幾至百幾蚊一杯，小食花生收費二十五蚊。一人一杯，叫咗Banana park, Passion fashion, Grapefruit yogurt, Apple XX.個花生小食好好味，有D辣同麻辣味，入面放左d乾辣椒絲，同花椒，好四川咁架。我杯passion fashion好多冰，味道有d清淡，熱情果肉少，所以果味差d。Apple XX賣相好搞笑，入面浸左D果粒，飲落咪就係有氣蘋果汁味。另外兩杯無試過，但朋友話grapefruit yogurt幾好飲。總體黎講，要景，普通價錢普通飲品，呢度真係首選。