Video
Read full review
2009-08-04
8 views
抱住試下既心態嚟, 同前面行多兩步既一壽司一樣冇得Book, 以先到先得形式。三個女仔2030嚟到已經排左七八隊人, 差唔多九點先入到去坐低。出面個女仔超有禮貌同我講邊張先係有半價, 佢既態度我要俾十分佢!! 食物方面:好: 第一Round三文魚勁肥美, 可能啱啱切到腩既位置!!!! 正! 但第二Round鞋搭搭... 帆立貝都大大件好正~ 甜蝦有啲苦不過都尚可接受壞: 啲玉子唔知點解有啲黑黑地, 不過味道方面冇問題。啲貝類既壽司如北寄貝好似放得耐有啲縮水... 唔好食。 仲叫左個和牛蔥卷, 但蔥味重, 完全食唔到和牛味。仲有個軟殼蟹天婦羅(呢個冇半價, $35) 太油!特飲$16一杯, 我叫左荔枝沙冰, 好重荔枝味, 不過本人覺得甜左少少環境:其實間野都幾細, 好在有卡位。洗手間得一格, 不過好乾淨服務:加茶密, 但冷氣太凍, 侍應們都好有禮, 每次落單都會講多謝哂講真嗰句, 如果我等到2105我就去排隔離一壽司, 因為佢有質素, 不過如果你Be4九點既, 呢間都係一個選擇
三個女仔2030嚟到已經排左七八隊人, 差唔多九點先入到去坐低。出面個女仔超有禮貌同我講邊張先係有半價, 佢既態度我要俾十分佢!!
食物方面:
好: 第一Round三文魚勁肥美, 可能啱啱切到腩既位置!!!! 正! 但第二Round鞋搭搭... 帆立貝都大大件好正~ 甜蝦有啲苦不過都尚可接受
壞: 啲玉子唔知點解有啲黑黑地, 不過味道方面冇問題。啲貝類既壽司如北寄貝好似放得耐有啲縮水... 唔好食。 仲叫左個和牛蔥卷, 但蔥味重, 完全食唔到和牛味。仲有個軟殼蟹天婦羅(呢個冇半價, $35) 太油!
特飲$16一杯, 我叫左荔枝沙冰, 好重荔枝味, 不過本人覺得甜左少少
環境:
其實間野都幾細, 好在有卡位。洗手間得一格, 不過好乾淨
服務:
加茶密, 但冷氣太凍, 侍應們都好有禮, 每次落單都會講多謝哂
講真嗰句, 如果我等到2105我就去排隔離一壽司, 因為佢有質素, 不過如果你Be4九點既, 呢間都係一個選擇
Post