阿久根和牛立燒店 (Closed)

【旺角】阿久根和牛立燒店 最近夜晚又凍返，想食燒肉過下口癮。嚟到呢間位於白布街嘅燒肉店，雖然個名係立食店，其實有提供high chair，鍾意坐又得企又得。店面不算大，約20個座位，兩邊bar枱為主。就算一人嚟食都唔覺得尷尬，或者二人世界都好適合。😆A4和牛套餐由$98至388，另有提供牛不同部位、雞肉、蔬菜等，肉類可以逐片下單，啱曬我呢個想食多幾款嘅小鳥胃。🤣✨ 極尚和牛定食 $168推介!! 性價比最高嘅定食，百幾蚊就食到日本和牛！有A4肉眼、A4西冷、牛舌。和牛油花豐富，燒烤過後油香撲鼻，肉味香濃，只沾少量海鹽係最佳食法。👍🏻✨ 風味和牛定食 $98肩胛同胸腹肉非和牛，但花油分佈平衡，肉質比較結實有嚼勁。定食包括沙律、麵豉湯及白飯，另外散叫 牛胸爽、下胸腹肉同鰻魚。牛胸爽平時打邊爐都好鍾意食，燒嘅話輕輕燒一燒就可以，口感獨特。✨阿久根和牛立燒店 📍旺角白布街2-24號藝興大廈8號舖