2派克雞排

Open Now

Now Closed

店名：2派克雞排地點：旺角通菜街菜式：台式小食餐牌：主食（包括雞扒，雞髀，雞塊等），素食，小食，飲品。有8款口味嘅調味粉自選，包括原味（椒鹽）/芝士/梅子/麻辣/芥末/辣味/咖喱/海苔。落單時可以揀1至2款調味粉撈埋食用。所有野食都係即叫即炸，超辣手比你，無可能即刻食落口，實辣嘴。脆皮無骨雞腿排 $40脆皮無骨雞腿排超級大塊，炸到外皮香脆又薄，而入面雞腿肉仲係好多汁同嫩滑，正！我揀咗芝士拼海苔粉，味道都唔錯，好惹味，帶少少辣。脆皮台灣香腸 $24脆皮台灣香腸唔洗揀粉，已經調好味，甜甜地，一客兩條好多肉食。脆皮杏鮑菇 $25脆皮杏鮑菇一包都有好幾大件，食落多汁又爽口。我揀咗海苔配原味（椒鹽），味道都唔錯。每樣食物用紙袋裝住，然後一次過用膠袋放好，方便攜帶。而脆皮杏鮑菇同脆皮台灣香腸都備有竹籤。店鋪係女人街入面，門口都唔難見到，有一張枱仔同兩張凳，可以即刻食。我攞到返屋企先食就無會傷到個嘴。