Video
Read full review
2010-11-21
33 views
近排行開灣仔及銅鑼灣一帶，如果想飲茶都會幫襯稻香皇室堡店或者稻香信和廣場店，因為稻香集團旗下分店嘅食物、環境、服務、衛生各方面質素都唔錯，而且價錢化算，令我對佢有信心!今次又再行開灣仔及銅鑼灣一帶，大家又想飲茶，之前先後幫襯過富臨、稻香皇室堡店同埋稻香信和廣場店都唔錯!但係我聽聞新星銅鑼灣店近排重新裝修咗，而我又未幫襯過，所以就決定幫襯新星銅鑼灣店!我地去到唔駛等就有位啦!新星銅鑼灣店係我首次嚟幫襯，總算冇令我失望，各方面質素都唔錯，而且價錢化算呀!味道方面，今次2個人叫咗幾款點心、1碗叉燒拼雞米線同埋1碗燒鵝湯米線，味道皆唔錯!食物包括1)叉燒拼雞米線:叉燒肥瘦適中，雞幾入味!米線口感唔錯，分量足夠!湯味討好，鹹淡適中!(2)燒鵝湯米線:燒鵝入味，皮都幾脆!米線口感唔錯，分量足夠!湯味討好，鹹淡適中!(3)金牌流沙包:金黃色嘅流沙餡一湧而出，夠流質，味道香濃討好!包面夠鬆軟!(4)四寶滑雞扎:材料配搭唔係正宗果款，但係夠新鮮同入味!(5)豉汁蒸肉排:肉排夠新鮮，口感唔錯!豉汁都好惹味!(6)柱侯牛孖筋:牛孖筋蒸得夠淋身!醬汁味道討好!(7)蠔皇鮮竹卷:蝦粒同埋蔬菜等餡料都新鮮，水分充
味道方面，今次2個人叫咗幾款點心、1碗叉燒拼雞米線同埋1碗燒鵝湯米線，味道皆唔錯!食物包括:
(1)叉燒拼雞米線:叉燒肥瘦適中，雞幾入味!米線口感唔錯，分量足夠!湯味討好，鹹淡適中!
(2)燒鵝湯米線:燒鵝入味，皮都幾脆!米線口感唔錯，分量足夠!湯味討好，鹹淡適中!
(3)金牌流沙包:金黃色嘅流沙餡一湧而出，夠流質，味道香濃討好!包面夠鬆軟!
(4)四寶滑雞扎:材料配搭唔係正宗果款，但係夠新鮮同入味!
(5)豉汁蒸肉排:肉排夠新鮮，口感唔錯!豉汁都好惹味!
(6)柱侯牛孖筋:牛孖筋蒸得夠淋身!醬汁味道討好!
(7)蠔皇鮮竹卷:蝦粒同埋蔬菜等餡料都新鮮，水分充足!鮮竹皮幾嫩，醬汁味道討好!
環境方面，新星銅鑼灣店近排至重新裝修過，地方都尚算新淨，佢嘅裝修設計較為高雅，但係冇乜時代感!佢都幾先進架，有引入電腦座位分配系統(電腦票、電視屏幕顯示叫號及電腦聲音叫號)、自動感應水龍頭、自動感應梘液機等先進設備，又設置多部電視機!呢個舖都幾大，尚算通透!可惜身處於比較舊嘅樓宇中，有柱多、橫樑多及樓底矮等等嘅問題!不過整體都坐得舒適!
服務方面，中規中矩啦，大部分服務員做野都有效率，係埋單耐咗D!如果各個服務員有多D適當嘅笑容就好啦!
衛生方面，碗碟尚算乾淨，地方企理，洗手間尚算乾爽!
抵食方面，星期五下午茶茶位$6，各款點心嘅價錢都大眾化，算抵食架啦!
整體來講，各款點心價錢化算又多選擇!至於食物、環境、服務、衛生各方面質素都唔錯，值得嚟幫襯呀!
Post
