Video
Read full review
2010-10-31
90 views
我外家成家人住係觀塘果邊，同我住得比較遠!所以平時每逢長輩生日或者過時過節，全家人至會難得團聚，坐埋一齊食番餐飯慶祝!我地多數幫襯富臨，因為富臨集團旗下分店嘅食物、環境、服務、衛生各方面質素都唔錯，而且價錢化算，令我對佢有信心，我地都幫襯咗幾年囉!今次適逢外公生日，咁值得慶祝嘅日子全家當然要聚一聚啦!今次我地一如既往咁嚟到富臨觀塘店，幫襯咗一圍酒席，質素保持水準同樣唔錯呀!味道方面，今次12個人幫襯燕窩星班宴，味道皆唔錯!食物包括1)堂剪童子豬全體:乳豬皮幾脆，肉就肥瘦適中!(2)法式焗波士頓龍蝦(烏冬底):龍蝦殼多肉少，都唔知係咪有員工落格，兼唔新鮮!芝士汁配烏冬就有D格格不入!(3)金珠龍皇翠玉帶:各種材料新鮮，味道鹹淡適中!(4)玉環瑤柱甫:節瓜同瑤柱味道都唔錯，伴碟嘅菜硬咗少少同埋多草青味!(5)鮮蟹肉竹笙燴燕窩:燕窩唔係幾似真嘅，調味就唔錯!(6)清蒸大海星班:條魚蒸嘅時間控制得幾好，魚肉離骨又幾滑!(7)蠔皇原隻鮮鲍扣玉掌(12隻):鲍魚同鵝掌都夠淋，調味唔錯!分量適中，真材實料!(8)脆皮炸子雞:皮又香又脆，雞肉好滑，簡直係皮脆肉嫩呀!(9)瑤柱西施炒飯:材料足夠，成碗飯
味道方面，今次12個人幫襯燕窩星班宴，味道皆唔錯!食物包括:
(1)堂剪童子豬全體:乳豬皮幾脆，肉就肥瘦適中!
(2)法式焗波士頓龍蝦(烏冬底):龍蝦殼多肉少，都唔知係咪有員工落格，兼唔新鮮!芝士汁配烏冬就有D格格不入!
(3)金珠龍皇翠玉帶:各種材料新鮮，味道鹹淡適中!
(4)玉環瑤柱甫:節瓜同瑤柱味道都唔錯，伴碟嘅菜硬咗少少同埋多草青味!
(5)鮮蟹肉竹笙燴燕窩:燕窩唔係幾似真嘅，調味就唔錯!
(6)清蒸大海星班:條魚蒸嘅時間控制得幾好，魚肉離骨又幾滑!
(7)蠔皇原隻鮮鲍扣玉掌(12隻):鲍魚同鵝掌都夠淋，調味唔錯!分量適中，真材實料!
(8)脆皮炸子雞:皮又香又脆，雞肉好滑，簡直係皮脆肉嫩呀!
(9)瑤柱西施炒飯:材料足夠，成碗飯好惹味!
(10)野菌燒伊麵:味道適中，麵就太淋!
(11)精美甜品:紅豆沙味道夠甜，但係同時有焦味!紅豆粒分量適中!
(12)合時鮮果盆:西瓜同埋菠蘿都夠鮮甜!
環境方面，富臨觀塘店嘅地方太殘舊啦!佢嘅裝修一D都唔豪華或者高雅!佢亦冇其他酒樓咁先進，冇引入電腦座位分配系統(電腦票、電視屏幕顯示叫號及電腦聲音叫號)、自動感應梘液機等先進設備，電視機畫質都差過人!呢個舖都算幾大，可惜有個不足之處，仲係死症，就係身處於舊樓中，柱多、橫樑多兼樓底矮，少咗果種氣派!
服務方面，不過不失啦，做野算勤快醒目!如果各個服務員有多D適當嘅笑容就好啦!
衛生方面，碗碟好污糟，地方企理，洗手間地下好濕!
抵食方面，星期日晚幫襯$3888包12款菜式、大燕京2支、汽水6罐、傑卡斯紅酒1支、12位茶芥及加一服務費，算係咁啦!
整體來講，呢個燕窩星班宴算抵食!至於食物、環境、服務、衛生各方面質素都唔錯，幫襯得過呀!
Post
